Comente in un’altare
in punta a s’altu Tuffudesu
lughes, Osile.
Coro: O ‘idda nobile,
canto pro te.
Caddura, Logudoro,
Bonifacio a s’orizzonte
miran su risu tou.
Coro: Est custu cantigu meu
fattu pro te.
Osile, ses unu meraculu,
ses de sa Sardigna incantesimu,
ses unu ricamu magnificu,
ses unu diamante pro me.
Frisca s’aera e purissima
ogni istajone as in te
e sas nues ti chinghen
fattende una corona
a cudda antiga chi
in cuccuru as già.
Coro: Cantende so,
bidda cara, pro te.
Su coro meu
appidu no s’est mai
tantu allegru lontanu dae te.
Est sa zente tua gentile, onesta, amabile
e s’inzegnu est bantu sou.
Tue ses Osile.
Coro: Est sa zente tua gentile, onesta, amabile
e s’inzegnu est bantu sou.
Tue ses Osile.
